د باميان د عدلیې ریاست د جایدادونو د کرایو له زیاتوالي څخه د مخنیوي په موخه یوه غونډه ترسره کړه
د باميان ولایت د عدلیې ریاست د جایدادونو د کرایو له زیاتوالي څخه د مخنیوي او په قانوني ډول د معاملاتو ترسره کولو په موخه د معاملاتو لارښوونې د یو شمېر مسؤولینو په ګډون یوه ناسته جوړه کړه.
دا غونډه د صفرالمظفر د میاشتې په ۷مه نېټه د سهشنبې په ورځ، د باميان ولایت د عدلیې رئیس، مولوي حکمت الله حقیار په مشرۍ د یاد ریاست په مقر کې ترسره شوه او د کډوالو د ستونزو په ځانګړي ډول د کورونو د کرایو د لوړالي او د سرغړونو د مخنیوي په موخه د معاملاتو د تنظیم په اړه پهکې بحث او خبرې وشوې.
د عدلیې رئیس په دې ناسته کې ټینګار وکړ چې د معاملاتو لارښوونې او د جایدادونو مالکان دې په دغه ولایت کې د کورونو کرایې زیاتې نهکړي او اړتیا ده چې په دې برخه کې له کډوالو سره همکاري وشي.
په دې ناسته کې د معاملاتو لارښوونې د دفترونو مسؤولينو ژمنه وکړه چې له کډوالو سره د استوګنځيو په موندولو کې همکاري کوي او د کرایو له زیاتوالي څخه به مخنیوی وکړي. همداراز، هغوی خپلې یو شمېر ستونزې د عدلیې له رئیس سره شریکې کړې او د عدلیې رئیس ورته د حل په برخه کې ډاډ ورکړ.
