په لغمان ولایت کې د سرو زرو له یو شمېر هټیو څخه نظارت ترسره شو
د ننګرهار او لغمان ولایتونو د عدلیې، د امر بالمعروف، د استخباراتو ریاستونو او د زرګرانو د اتحادیو د مسؤولینو ګډ نظارتي پلاوي، د شوال د میاشتې په ۲۴مه نېټه د شنبې په ورځ، د لغمان ولایت په مرکز کې د سرو زرو له یو شمېر هټیو څخه نظارت ترسره کړ.
یاد نظارتي پلاوي د لغمان ولایت د سرو زرو هټیو د نظارت پر مهال د سرو زرو عیار، د وزن کولو وسایل، نرخونه او یو شمېر نور اړوند موضوعات بررسي کړل.
نظارتي پلاوي د سرو زرو د یادو هټيو په کاري چارو کې یو شمېر ستونزې او نيمګړتياوې مشخصې کړې او د لرې کولو په موخه یې اړوندو مسؤولينو ته لازمې توصیې وړاندې کړې.
همدارنګه نظارتي پلاوي پر زرګرانو ټېنګار وکړ چې خپلې چارې د اصولو مطابق پر مخ یوسې، له صداقت څخه کار واخلي، له پیرودونکو سره ښه چلند وکړي او د سرو زرو په وزن کې بشپړه پاملرنه وکړي.
د عدلیې وزارت په مرکز او د عدلیې رياستونه په ولایتو کې له اړوندو برخو څخه په دوامدره توګه نظارت ترسره کوي ترڅو د غيرقانوني فعاليتونو مخنيوی وشي.
