د پکتیا ولایت له عدلیې ریاست څخه، د کاري وختونو د څارنې او مراقبت د ګډ پلاوي کتنه
د کاري وختونو د څارنې او مراقبت ګډ پلاوی چې په ترکیب کې یې د ولایت د مقام استازی، د کار او ټولنیزو چارو د ریاست استازی او د اداري اصلاحاتو کمېسیون استازی شامل دي، د جمادي الثاني د میاشتې په ۱۸ نېټه د دوشنبې په ورځ د پکتیا ولایت له عدلیې ریاست څخه کتنه او څارنه وکړه.
یاد پلاوي لومړی د پکتیا ولایت له عدلیې رئیس مولوي محمد رئیس محمدي سره وکتل او خبرې ورسره وکړې. د عدلیې رئیس یاد پلاوي ته ښه راغلاست وویل او له یاد پلاوي سره یې د اړتیا وړ سندونو په وړاندې کولو کې د هر ډول همکارۍ ژمنه وکړه.
د عدلیې رئیس د یاد پلاوي له هڅو مننه وکړه او د امارتي ادارو د رسمي چارو د ښه والي په برخه کې د هغوی اجراآت مثبت وبلل.
یاد پلاوي د دغه ریاست د کاري وختونو اړوند سندونه بررسي کړل او د عدلیې ریاست په واسطې د اړوندو سندونو د دقیق کنترول د بهیر ستاینه وکړه. هغوی د عدلیې ریاست له مسؤولینو سره د هر اړخیزو همکاریو ژمنه وکړه.
