د کنړ ولایت عدلیې ریاست په دغه ولایت کې د عریضه لیکنې د جواز له یو شمېر غوښتونکو څخه آزموینه واخیسته
د کنړ ولایت د عدلیې ریاست د انسجام لوی مدیریت د جمادي الاول میاشتې په ۷ نېټې د سهشنبې په ورځ په دغه ولایت کې د عریضه لیکنې د جواز له یو شمېر غوښتونکو څخه د عدلیې ریاست په مقر کې آزموینه واخیسته.
په دغې برنامې کې د کنړ ولایت د عدلیې رئیس مفتي عبدالستار حماس، د محکمې او د ولایت مقام استازو او د عدلیې ریاست نورو مسؤلینو برخه واخیسته او د آزموینې له بهیر څخه یې څارنه وکړه.
د کنړ ولایت د عدلیې رئیس د عریضه لیکنې د جواز غوښتونکو ته توصیه وکړه چې له عارضینو سره ښه چلند ولري او له هغوی د زیاتو پیسو له اخیستو ډډه وکړي. دغه راز نوموړي له هغوی څخه وغوښتل چې د عریضو په لیکنه کې له زیات دقت څخه کار واخلي.
د عریضه لیکنې د جواز غوښتونکو هم ژمنه وکړه چې خلکو ته به صادقانه خدمت وکړي.
