په کابل ولایت کې د ۶۰ دارالترجمو د فعالیت څارنه او بررسي
د عدلیې وزارت د مقام د حکم په اساس د عدليې وزارت د تقنیني سندونو د ژباړې او د رسمي سندونو د تصدیق له ریاست څخه یو پلاوي د کابل ښار په کچه د ۶۰ دارالترجمو د ژباړونکو له فعالیت څخه څارنه او بررسي ترسره کړه.
یاد پلاوي د یادو شویو دارالترجمو فعالیتونه او سندونه بررسي کړل او د ۵ دارالترجمو اجازه لیکونه یې لغو کړل او ۱۲ نورو ژباړونکو ته یې لیکل شوې اخطاریې صادر کړې.
دغه راز ۶ نورو ژباړونکو ته یې توصیه وکړه او د ۷ تنو نورو فعالیتونه يې بند کړل چې په غیرقانوني ډول او له اجازه لیک څخه پرته یې د رسمي سندونو د ژباړې کار ترسره کاوه.
د عدلیې وزارت په کابل ښار کې د دارالترجمو له فعالیتونو څخه د څارنې بهیر په دوامداره توګه ترسره کوي ترڅو په دغې برخه کې د غیرقانوني فعالیت مخنیوی وشي.
