په کندز ولایت کې ۲ جریبه امارتي ځمکه استرداد شوه
د کندز ولایت د ځمکو د غصب د مخنیوي د تخنیکي هیئت ناسته د ۱۴۴۵هجري قمري د محرم الحرام د میاشتې په ۲۷ نېټه د یکشنبې ورځ د دغه هیئت د رئیس او غړو په حضور سره جوړه شوه او په هغې کې د چهاردرې ولسوالۍ د یتیم کلي د ۴۰ جریبه ځمکې، د علي آباد ولسوالۍ د مدرسې په کلي کې د ۲ جریبه ځمکې، د علي آباد ولسوالۍ د شاخ تپې د ۷۰ جریبه ځمکې دوسیې او د چیب ګذر ساحې د ۱۰۰۰ جریبه ځمکې دوسیه بررسۍ لاندې ونیول شوه.
په دغې ناسته کې، تخنیکي هیئت د علي آباد د مدرسې ساحې ۲ جریبه ځمکه استرداد کړه او د یو کال مودې لپاره د هغې د اجارې ورکولو د پړاونو تېرولو لارښوونه یې صادر کړه او د یتیم کلي د ساحې د متصرفینو د سندونو د تطبیق په غرض یو پلاوی توظیف شو ترڅو د سندونو له تطبیق، سکیچ او کروکي څخه وروسته د یادې ساحې راپور تخنیکي هیئت ته وړاندې کړي.
د چیپ ګذر ساحې د دوسیې په اړه هم تصمیم ونیول شو چې د تخنیکي هیئت ټول غړي راتلونکې اوونۍ ساحې ته روان شي او یاده شوې ساحه ټوله بررسۍ لاندې ونیسي.
