د خوراکي توکو د متشبثینو د اتحاديې له غړو سره د هرات ولایت د عدليې رئیس کتنه
د خوراکي توکو د متشبثینو د اتحاديې غړو د شوال میاشت په ۲۳ نېټه د شنبې په ورځ د هرات ولایت له عدلیې رئیس الحاج مولوي یار محمد جانان خادمي سره وکتل.
دغه کتنه، له دې امله چې د دغې اتحادیې رئیس او مرستیال استعفا وړاندې کړې ده، د اتحاديې د نوي رئیس او مرستیال د تعیین په منظور، د عدلیې رئیس په دفتر کې جوړه شوه.
د هرات عدلیې رئیس د اتحادیې غړو ته د ښه راغلاست ویلو ترڅنګ له اسلامي شریعت او ادارې اصولو سره سم د هر راز همکارۍ ژمنه وکړه او د دغه ریاست د انسجام آمریت ته يې لارښوونه وکړه چې د یادې اتحادیې سرلیک لاندې یو لیک واستوي او د اتحادیې له غړو څخه وغواړي چې له خپلې اساس نامې سره سم د یادې اتحادیې برخلیک تعیین او په رسمي توګه عدلیې ریاست ته ډاډ ورکړي.
