د میدان وردک او لوګر ولایتونو ترمنځ د مرزي کرښې د سرحدي ساحې د اوسیدونکو شخړه بررسي شوه
د لوګر ولایت د ځمکو د غصب د مخنیوي تخنیکي هیئت ددغه ولایت برکي برک ولسوالۍ ته سفر وکړ او ددغې ولسوالۍ او د میدان وردک ولایت ترمنځ له سرحدي سیمې څخه چې د هغو د اوسیدونکو تر شخړې لاندي ده، لیدنه وکړه.
یاده شوې مرزي لیکه چې د برکي برک ولسوالۍ په نوبرجه او تګاب او د میدان وردک په دراني او موشک خیل کلیو کې غزیدلې د دواړو خواوو د اوسیدونکو تر شخړې لاندې ده او هیئت د موضوع د بررسۍ له پاره موظف شوی دی.
تخنیکي هیئت ددغه کاري سفر په ترڅ کې د لوګر د برکي برک ولسوالۍ او د میدان وردک د سیدآباد ولسوالۍ له سیمه ییزو مقاماتو سره وکتل او خبرې يې ورسره وکړې.
ځايي اوسیدونکو هم په دغې ناسته کې ګډون درلود او له تخنیکي هیئت څخه یې وغوښتل چې مرزي لیکه مشخصه کړي او دغه شخړه پای ته ورسوي.
تخنیکي هیئت هم ځايي اوسیدونکو ته د موضوع له حل څخه ډاډ ورکړ.
