کندوز ولایت کې نږدې له ۵۰۰۰ جریبه ځمکې څخه لیدنه او بررسي وشوه
د کندز ولایت د ځمکې د غصب د مخنیوي تخنیکي هیئت ددغه ولایت ګل تپې ولسوالۍ ته ولاړ او د ځمکې د غصب د مخنیوي برخه کې عملي اقدامات ترسره کړل.
دغه هیئت د ګل تپې ولسوالۍ توبره کش ساحې ته ولاړ او ۵۰۰۰ جریبه ځمکه یې دغې ساحه کې له نږدې ولیدله او بررسي کړه. په یاده ځمکې کې کرنیزې ځمکې، کورونه، اجارې لاندې ځمکې او ځینې لامزروع شاملې دي.
یاد هیئت ددغې ساحې له خلکو او مشرانو سره وکتل او د ځمکې د غصب د مخنیوي کمېسیون او د امیرالمومنین حفظه الله د فرمان په اړه معلومات ورکړل. هیئت له خلکو سره ددغې ساحې د ځمکې اجارې ورکولو په اړه هم خبرې وکړې او له هغوی څخه یې د یادې ساحې اسکیچ او کروکي برخه کې د همکارۍ غوښتنه وکړه.
خلکو ټوله یاده شوې ځمکه امارتي یاده کړه او هیئت سره یې د همکارۍ برخه کې د آمادګۍ اعلام وکړ.
دغه راز تخنیکي هیئت ددغې ساحې خلکو ته معلوماتي استعلامونو وویشل او د یو سوداګر تر اجارې لاندې له ۵۰ جریبه ځمکې څخه یې لیدنه وکړه.
