د هرات ولایت د عدليې رییس په حضور سره په ۳ زره بې وزله او اړمنو کورنیو مرسته وویشل شوه
د هرات ولایت د عدليې رییس الحاج مولوي یارمحمد جانان خادمي د ربیع الثاني میاشت په ۵ نېټه د دوشنبې په ورځ د الحاج احمدشاه فقیري خیریه بنسټ د بلنې پر اساس د بې وزلو له پاره د دغه خیریه بنسټ د ژمنیو مرستو د ویش د پرانیستې په مراسمو کې ګډون وکړ.
د عدلیې رییس په دغو مراسمو کې د الحاج احمدشاه فقیري خیریه بنسټ د مشرتابه له هیئت څخه مننه وکړه او اړمنو ته یې دغه راز ویش یو نیک او ګټور ګام وباله.
هغه د هېواد ټولو سوداګرو او مرسته کوونکو اشخاصو ته بلنه ورکړه چې له اړمنو سره د مرستو په لار کې هڅه وکړي.
په دغو مراسمو کې د والي او اړونده ادارو د رییسانو په حضور په ۳۰۰۰ اړمنو او بی وزلو کورنیو باندې د مرستو کڅوړې وویشل شوې.
