په کندز ولایت کې څه د پاسه ۱۰۴۰۰ جریبه ځمکه امارتي تثبیت شوه
د کندز ولایت د ځمکو د غصب د مخنیوي د تخنیکي هیئت ناسته د ربیع الاول د میاشتې په ۱۷ نېټې د دوشنبې په ورځ د یاد هیئت د رئیس او غړو په حضور سره جوړه شوه او د ځمکو د غصب اړوند یو شمېر دوسيې په کې بحث او بررسۍ لاندې ونیول شوې.
په یاده ناسته کې، د دشت ارچي ولسوالۍ د قره غوشي ساحې د ۸۰۰۰ جریبه ځمکې دوسیه، د قلم ګذر ساحې د ۲۰ جریبه ځمکې دوسیه او د حضرت امام صاحب د قنجوغې ساحې د ۷۰ جریبه ځمکې دوسیه په کې بحث او بررسۍ لاندې ونیول شوې.
په پایله کې د دشت ارچي ولسوالۍ د قره غوشي ساحې د دوسیې د پاڼو او سوابقو له بحث او بررسۍ څخه وروسته، ۱۰۴۵۹ جریبه ځمکه په دغې ساحې او دغه راز ۲۰ جریبه نوره ځمکه د قلم ګذر په ساحې کې د امارتي ځمکې په توګه تثبیت شوه او لارښوونه وشوه چې موضوع د تصفیې په غرض مرکزي کمېسیون ته وړاندیز شي او د امام صاحب د ولسوالۍ د قنجوغې ساحې د ۷۰ جریبه ځمکې د دوسیې په تړاو هم د لا زیاتو څېړنو لارښوونه صادر شوه.
