په بلخ کې د څه باندې ۳۲۰۰ جریبه ځمکې دوسیې بررسي شوې
د بلخ ولایت د ځمکو له غصب څخه د مخنیوي تخنیکي هیئت ناسته د ربیعالثاني د میاشتې په ۱۷مه نېټه د یکشنبې په ورځ د یاد هیئت د رئیس او غړو په ګډون ترسره شوه او د یاد ولایت په بېلابېلو برخو کې د څه باندې درېزره او دوهسوه (۳۲۰۰) جریبه ځمکو دوسیې پهکې تر بحث او بررسۍ لاندې ونیول شوې.
په دې ناسته کې د مزار شریف ښار په شمالختیځ کې د یو زر او پنځهسوه (۱۵۰۰) جریبه ځمکې، په کشنده ولسوالۍ کې د اتهسوه (۸۰۰) جریبه ځمکې، په چمتال ولسوالۍ کې د څه باندې ۷۰۰ جریبه ځمکې او د بلخ ولایت په بېلابېلو برخو کې د څه باندې ۲۰۰ جریبه ځمکې دوسیې بحث او بررسۍ لاندې ونیول شوې.
د ځمکو له غصب څخه د مخنیوي تخنیکي هیئت د یادو دوسیو په بررسۍ سره، د هغو په اړه لازم تصامیم ونیول.
په دې ناسته کې د خلکو یو شمېر عریضې او ځمکو د غصب اړوند دوسیې هم بررسي شوې او هیئت د هغو د پړاوونو تېرولو په هکله لازمې لارښوونې وکړې.
