پروان ولایت کې کابو ۵۶۱ جریبه نوره ځمکه امارتي تثبیت شوه
د پروان ولایت د ځمکې د غصب د مخنیوي تخنیکي هیئت د ناستې په جوړولو او د میاخیل، ملا محمد خیل او ناصري کیلیو د ځینو برخو په لیدنې سره، ۵۶۱.۷۳ جریبه ځمکه په دغو سیمو کې امارتي تشخیص او د هغې غاصبان یې مشخص کړل.
دغه راز ددغه ولایت د ځمکې د غصب د مخنیوي تخنیکي هیئت د بګرام ولسوالۍ د خم کلان سیمې له اوسیدونکو سره وکتل او له هغوی سره يې د ځمکې د غصب څخه د ځان ساتلو په اړه خبرې وکړې.
له بلې خوا د ننګرهار ولایت د تخنیکي هیئت په ناسته کې پریکړه وشوه چې د کوز کنړ ولسوالۍ د ځمکو د غصب موضوع د ولایت له مقام سره شریکه کړل شي. دغه راز یاد هیئت د کوټ ولسوالۍ او هسکې مینې د میدان سیمه بررسي کړه او په پایله کې یې امارتي تثبیت کړه.
پر دې سربېره د دوو تېرو ورځو په لړ کې د کابل، فاریاب، سرپل، سمنګان، تخار، بغلان، جوزجان او غور ولایتونو کې د غصب د مخنیوي تخنیکي هیئتونوخپل غونډې جوړې کړې او د ځمکې د غصب د مخنیوي او د غصب شوو ځمکو د تشخیص او ثبیت د څرنګوالي په اړه یې بحث وکړ.
د کابل ولایت تخنیکي هیئت، د ملاه ترخیل ښارګوټي د بررسۍ راپور جوړ کړ او دوه تخنیکي ټیمونه یې د ګوسفند درې، خاک جبار او د ملاجاوید او المصور ښارګوټو د بررسۍ په منظور تعیین کړل. دغه هیئت، د دولتي ځمکو د ثبیت او تصفيې جدول هم ترتیب کړ.
د فاریاب ولایت د تخنیکي هیئت په ناسته کې پریکړه وشوه چې په دغه ولایت کې ټولو امارتي ادارو ته د غصب شوو ځمکو د دقیقې احصایې د استولو په منظور لیک ولیږل شي. دغه راز هیئت پریکړه وکړه چې د غصب شوو ځمکو د دقیقې احصایې ترلاسه کولو څخه وروسته، خپل پلان طرحه او ترتیب کړي.
د سرپل، جوزجان او سمنګان ولایتونو د هیئتونو په تخنیکي ناسته کې د غونډو ورځې او سیمو کې د عملي کار ورځي وټاکل شوې او پریکړه وشوه چې له ادارو څخه موثقه سندونو راټول او پېچلي موضوعات د لارښوونې ترلاسه کولو له پاره کمېسیون ته راجع شي.
د سمنګان ولایت د تخنیکي هیئت په ناسته کې له بودجې څخه د شفافه لګښتونو په اړه ټینګار وشو او پریکړه وشوه چې عملي کار د حضرت سلطان له ولسوالۍ څخه پیل شي.
د تخار ولایت د تخنیکي هیئت ناسته جوړه شوه او په هغې کې د ځمکې د غصب د مخنیوي او د غصب شوو ځمکو د استرداد په برخه کې تصمیمونه ونیول شول.
د بغلان ولایت د تخنیکي هیئت په ناسته کې، د امیرالمومنین حفظه الله له فرمان څخه هرکلی او د هغه د بشپړ تطبیق په اړه ټینګار وشو. په دغې ناسته کې، د امارتي ځمکو د غصب د مخنیوي په اړه بحث او لازم تصمیمونه ونیول شول.
د غور د کرنې رییس (د تخنیکي هیئت رییس) په ګرم آبک پوزه لیج علیا کې د ځمکو په اړه له یو شمېر مخورو سره خبرې وکړې او له هغوی څخه یې وغوښتل چې خپل سندونه او مدارک د هیئت په نوبتي غونډه کې وړاندې کړي.
