نږدې ۸۷۰۰۰ جریبه ځمکه بادغیس ولایت کې بررسي شوه
د بادغیس ولایت د ځمکې د غصب د مخنیوي تخنیکي هیئت دغه ولایت کې له ځینو ساحو څخه لیدنه وکړه او ځمکې يې بررسي کړې.
یاد هیئت لامان او بند سبزک کلیو ته ولاړ او د پشته لامان ځمکې يې چې په تېرو کلنو کې د هغې د ارچې ونې د خلکو لخوا پرې شوي او په کرنیزو ځمکو بدلې شوي، لیدنه وکړه. یاده هیئت دغې ساحه کې ۸۷۰۰۰ جریبه موجوده ځمکه تر بررسۍ لاندې ونیوله.
هیئت د لامان کلي له سیمه ییزو مشرانو سره وکتل او د ځمکې د غصب د مخنیوي کمېسیون او اړوند مقررې په اړه هغوی ته معلومات ورکړل. ددغه کلي خلکو ادعا درلودله چې له دغو ځمکو څخه سندونه لري. هیئت له هغوی څخه وغوښتل ترڅو بررسي شي.
په همدې حال کې، د غور ولایت د تخنیکي هیئت ناسته ددغه هیئت درییس او غړو په حضور سره جوړه شوه او د کابل-غور دروازې د مخې ساحې چې پشته وردک ها په نوم شهرت لري بحث او بررسي لاندې ونیول شوې.
دغې ناسته کې پریکړه وشوه چې یاده له یادې ساحې څخه له نږدې وکتل شي، اوسیدونکي يې احضار او سندونه یې بررسي شي.
دغه راز یاده ناسته کې، په فیروز کوه ښار کې اوقافي ځمکې چې یو شخص یې په غصب تورن دی، بررسي شوې. له دغه شخص څخه قانوني سندونه او مدارک وغوښتل شوو او هغه ته لارښوونه وشوه چې شخص د ځمکې پلورونکی حاضر کړي.
دغې ناسته کې، په فیروز کوه ښار کې د یو شخص د هستوګنې د کور په اړه هم بحث او بررسي وشوه او له دغه شخص څخه قانوني سندونه او مدارک وغوښتل شوو. دغه راز د تخنیکي هیئت د کاري کړنلارې په اړه هم بحث وشو.
