د ځمکو د غصب د مخنیوي او د غصب شویو ځمکو د استرداد کمېسیون د ناستې جوړیدل

د ځمکو د غصب د مخنیوي او د غصب شویو ځمکو د استرداد کمېسیون ناسته د ۱۴۴۴ هجري قمري کال د شوال میاشت په ۲۵ نېټه د دوشنبې په ورځ د عدليې وزارت د سرپرست او د یاد کمېسیون رئیس شیخ الحدیث مولوي عبدالحکیم شرعي په مشرۍ د عدلیې وزارت په مقر کې جوړه شوه.

په دغې ناسته کې د کرنې، اوبو لګولو او د مالدارۍ وزارت سرپرست مولوي عطاء الله عمري، د کور او ښار جوړولو د وزارت سرپرست مولوي حمد الله نعماني، د فرمانونو او حکمونو د تعقیب او نظارت لوی رئیس مولوي شمس الدین شریعتي، د چارو د ادارې لوی رئیس شیخ الحدیث مولوي نورالحق انور، د سترې محکمې د دارلانشاء رئیس مفتي عبدالرشید سعید، د امارت د قضایاو لوی رئیس، د دغه کمېسیون سکرتر او نورو مسؤلینو برخه اخیستې وه.

په دغې ناسته کې، د کابل او ننګرهار ولايتونو يو شمير دوسيې چې د‌کمېسيون او تخنيکي هيئتونو د ګډ کار په نتيجه کې نهايي شوې وې بيا هم و ارزول شوې. ځیني نور موضوعات هم په دغې ناسته کې بحث او بررسۍ لاندې ونیول شوې او دغو برخو کې لازم تصمیمونه ونیول شول.