د میدان وردک ولایت د عدلیې ریاست د حقوقي مرستو آمریت او د یاد ولایت د محبس آمریت ترمنځ د همغږۍ ناسته جوړیدل
د میدان وردک ولایت د عدلیې ریاست د حقوقي مرستو آمریت د جمادي الثاني د میاشتې په ۲۳ نېټه د شنبې په ورځ د هغمږۍ او همکاریو د پیاوړتیا په موخه د یاد ولایت د محبس آمریت له مسؤولینو سره یوه ناسته جوړه کړه.
په یاده ناسته کې د حقوقي پوهاوي ورکولو د برنامو، د حقوقي مرستو وړاندي کولو د څرنګوالي، د حقوقي مساعد او د مدافع وکیل د توظیف د څرنګوالي او د مدافع وکیلانو د لړلیک په اړه بحث او خبرې وشوې.
په یاده ناسته کې د میدان وردک ولایت د عدلیې ریاست د حقوقي مرستو آمر پورته موضوعاتو کې د معلوماتو په وړاندې کولو سره، د دغه آمریت له مسؤولینو سره د محبس آمریت له همکاریو قدرداني وکړه او په لازیاتې همغږۍ يې ټینګار وکړ.
د میدان وردک ولایت د محبس آمر هم وویل چې دغه آمریت د محبوسینو حقوقو ته پاملرنه لري او په دې برخه کې به له عدلیې ریاست سره هم همکاري وکړي.
