د غور ولایت د ځمکو د غصب د مخنیوي د تخنیکي هیئت ناسته جوړه شوه
د غور ولایت د ځمکو د غصب د مخنیوي د تخنیکي هیئت ناسته د ذوالقعدې میاشت په ۱ نېټه د یکشنبې په ورځ د دغه هیئت د رئیس او غړو په حضور سره جوړه شوه او د دعوا لاندې د ځینو ځمکو په اړه په کې بحث او خبرې وشوې.
په دغې ناسته کې، د ترسره شویو بررسیو په پام کې نیولو سره د څو تنو اشخاصو تر دعوا لاندې ځمکې په اړه بحث وشو او پریکړه وشوه چې یادې ځمکې امارتي دي او په هغه صورت کې چې یاد اشخاص پریکړه و نه مني، دوسیه یې ترتیب او مرکز ته به واستول شي.
دغه راز په یاده ناسته کې، پر ځمکې د دوو نورو اشخاصو د دعوا په اړه هم پریکړه وشوه چې تر ادعا لاندې ځمکې عامه ملکیت دی او په همدې توګه هیئت د حج او اوقافو ریاست او د یو بل شخص تر دعوا لاندې ځمکه له نږدې څخه بررسي او تثبیت کړي او پریکړ یې وکړه چې له بېلابېلو ادارو څخه یو مسلکي ټیم، د کادستر نقشو له مخې ساحه تثبیت او نښاني کړي.
