د جلال آباد ښار د لومړۍ او اوومې ناحیې له مشرانو سره د ځمکو د غصب د مخنیوي کمېسیون د مشرتابه پلاوي کتنه
د ځمکو د غصب د مخنیوي او د غصب شویو ځمکو د استرداد کمېسیون د مشرتابه پلاوي د عدليې وزارت د سرپرست شیخ الحدیث مولوي عبدالحکیم شرعي په مشرۍ او اړوندې ځانګړۍ محکمې د ۱۴۴۴ هجري قمري کال د شعبان میاشت په ۲۰ نېټه د یکشنبې په ورځ د جلال آباد ښار د لومړۍ او اوومۍ ناحیو له مشرانو او مخورو سره د بېلابېلو کتنو په ترڅ کې وکتل او خبرې یې ورسره وکړې.
دغه هیئت د جلال آباد ښار د لومړۍ ناحیې د اوسیدونکو وړاندیزونه او غوښتنې واوریدلې او هغوی ته یې د اسلامي شریعت او د هیواد د نافذ شویو قوانینو د تطبیق ډاډ ورکړ.
د جلال آباد ښار د اوومې ناحیې مشرانو او مخوور هم له دغه هیئت سره د نوي سړک په اوږدو کې د سیند ترغاړې د خپلو ملکیتونو په اړه، ددغه ولایت د ښاروال او مرستیال په حضور سره وکتل او خپل ستونزې یې مطرح کړې.
د ځمکو د غصب د مخنیوي کمېسیون د مشرتابه پلاوي له هغوی سره د قانون په چوکاټ کې د هر ډول همکارۍ ژمنه وکړه.
