د بلخ ولایت د ځمکو د غصب د مخنیوي د تخنیکي هیئت د ناستې جوړیدل
د بلخ ولایت د ځمکو د غصب د مخنیوي د تخنیکي هیئت ناسته د هیئت د رئیس او غړو په حضور سره جوړه شوه او د ناصر خسرو بلخي او د مارمل بې ځایه شویو پروژو د زمیندارۍ د ساحې د استرداد په اړه پر عملي اجراآتو ټینګار وشو.
دغه راز په یاده ناسته کې، د هغو قضیو په هر اړخیزې بررسۍ چې مرکزي کمېسیون ته استول کیږي، ټینګار وشو او د امنیې قوماندانۍ لخوا د جلب شویو اشخاصو څخه د تېښتې د ویرې له کبله د معتبر ضمانت پر اخیستلو، پریکړه وشوه.
دغه راز په یاده ناسته کې پریکړه وشوه چې د ښارګوټو په اړه د راپور له جوړولو څخه دمخه د ښار او کور جوړولو ریاست څخه معلومات وغوښتل شي. د خالد بن ولید پروژې وکیل ته هم استعلام وویشل شو او د تخنیکي هیئت غړو ته د مرکزي کمېسیون د لارښوونې وړاندې شوې.
یاد شوي هیئت، پنځمې حوزې کې د یو شخص اړوند دوه قطعې ځمکې کروکي کړې او بل یوه قطعه به یې وروسته کروکي شي. د یادو شویو ځمکو په اړه له اړوندو ادارو څخه به هم معلومات وغوښتل شي.
په دغې ناسته کې، له محکمو څخه د یو شمېر ترلاسه شویو دوسیو په اړه هم بحث وشو او لازم تصمیمونه ونیول شول. دغه راز یو شمېر اشخاصو ته چې جلب لاندې وو، د نورخدا دویمې برخې د ویشلو په اړه معلوماتي استعلام وویشل شو. د یو شخص اړوند د ۴۲۰ جریبه ځمکې په اړه ټینګار وشو چې د کمېسیون له لارښوونې سره سم راپور یې جوړ او مرکز ته واستول شي.
یاد شوي هیئت، هیئت ته د رسیدل شویو عریضو په اړه هم پریکړه وکړه هغه عریضې چې پر خلکو دي، مسترد شي او د امارتي ملکیتونو د غصب اړوند عریضې ومنل شي او بررسي شي.
