د بادغیس ولایت د ځمکو د غصب د مخنیوي د تخنیکي هیئت ناسته جوړه شوه

hayat_admin
شنبه ۱۴۰۲/۱/۵ - ۱۱:۲۳
.

د بادغیس ولایت د ځمکو د غصب د مخنیوي د تخنیکي هیئت ناسته ددغه هیئت د رئیس او غړو په حضور سره جوړه شوه او د ځمکو د غصب د مخنیوي په برخه کې یو لړ اقدامات ترسره شول.

په دغې ناسته کې په سنګ آتش ولسوالۍ کې د یو شمېر اشخاصو موضوع بررسي شوه او هغوی غونډې ته حاضر شول. یاد شویو اشخاصو ومنله چې په سنګ آب کلاري سیمه کې له کلنو راهیسې سلګونه زره جریبه د عامه څړځای ځمکه د ملکیت له سندونو څخه پرته په خپل تصرف کې درلودله. هغوی ژمنه وکړه چې نور به له دغې ځمکې څخه شخصي استفاده نه کوي او هم به د څړځای په عنوان د نورو د ګټې پورته کولو خنډ نه ګرځي.

دغه راز په دغې ناسته کې، د آبکمري ولسوالۍ یو شمېر اوسیدونکو چې د عامه مرعی پر غصب تورن پیژندل شوي وو، غونډې ته حاضر شول ترڅو خپل سندونه وړاندې کړي خو هغوی هیڅ ډول د ملکیت سندونه نه درلودل. هغوی ومنله د تیربند سیاتره په سرتګاب غالچرخ کې ځمکه، د عامه څړځای له جملې څخه ۲۱۰۰ جریبه ځمکه ده او ژمنه یې وکړه چې وروسته له دې به په دغې ساحه کې هیڅ ډول مالکانه تصرف نه کوي او هم به د څړځای په عنوان د نورو د ګټې پورته کولو خنډ نه ګرځي.

.

ددغه ولایت د قادس ولسوالۍ د ده برنج کلي یو شمېر اوسیدونکي چې غاصب او د څړځای ویجاړونکي پیژندل شوي ول، هم غونډې ته حاضر شول او له هغوی څخه د ملکیت سندونه وغوښتل شول. هغوی هیڅ ډول شرعي سندونه نه درلودل او ویې ومنله چې پشته ملمنجيو کې څه دپاسه ۵۰ جریبه ځمکه عامه مرعی ده او د هغوی لخوا ویجاړه شوې او په کرنیزه ځمکله تبدیله شوې ده. یاد شویو اشخاصو ژمنه وکړه چې وروسته له دې به له یادې ځمکې څخه شخصي استفاده نه کوي.

دغه راز تخنیکي هیئت د مقر ولسوالۍ له رحمان زیو قوم څخه د هغو اشخاصو او افرادو په اړه چې عامه مرعی ځمکه یې په کرنیزې ځمکې تبدیلې کړي، د استعلام  په ترڅ کې معلومات وغوښتل.

تازه خبرونه

سه‌شنبه ۱۴۰۲/۹/۷ - ۱۲:۵
Background image

د میدان وردک ولایت د عدلیې ریاست د اداري ناستې جوړیدل

د میدان وردک ولایت د عدلیې ریاست اداري ناسته د جمادي الاول میاشتې په ۱۲ نېټې د یکشنبې په ورځ د میدان وردک ولایت د عدلیې رئیس مولوي مطیع الحق عثمان په مشرۍ او د یاد ریاست د آمرینو او. . .

سه‌شنبه ۱۴۰۲/۹/۷ - ۱۲:۰
Background image

په بدخشان ولایت کې څه باندې د ۱۴۰۰ جریبه امارتي ځمکې استرداد

د بدخشان ولایت د ځمکو د غصب د مخنیوي د تخنیکي هیئت ناسته د جمادي الاول د میاشتې په ۱۲ نېټې د یکشنبې په ورځ د دغه هیئت د رئیس او غړو په حضور سره جوړه شوه او د ځمکو د غصب اړوند یو شمېر. . .

سه‌شنبه ۱۴۰۲/۹/۷ - ۱۱:۴۷
Background image

د ختیځ زون ولایتونو د عدلیې ریاستونو مسلکي غړو لپاره د شپږ ورځني زده کړییز سیمینار جوړول

د عدلیې وزارت د بشري سرچینو ریاست د زده کړو او ظرفیت لوړولو آمریت، د جمادي الاول میاشتې په ۱۱ نېټې د شنبې په ورځ د ختیځ زون ولایتونو د عدلیې ریاستونو مسلکي غړو لپاره شپږ ورځنی زده کړییز. . .

BACK TO NEWS