بغلان ولایت ته د ځمکو د غصب د مخنیوي کمېسیون د مشرتابه پلاوي سفر

hakeem_admin
پنجشنبه ۱۴۰۲/۷/۶ - ۱۲:۵۴
.

د ځمکو د غصب د مخنیوي او د غصب شویو ځمکو د استرداد کمېسیون مشرتابه پلاوي د عدلیې وزارت د سرپرست او د یاد کمېسیون د رئیس شیخ الحدیث مولوي عبدالحکیم شرعي په مشرۍ د ربیع الاول د میاشتې په ۱۱ نېټې د سه شنبې په ورځ د ځمکو د غصب اړوندو دوسیو د بررسۍ په منظور بغلان ولایت ته سفر وکړ او د دغه ولایت له مقاماتو او سیمه ییزو مسؤلینو سره یې وکتل او خبرې ورسره وکړې.

په دغه سفر کې دکور او ښار جوړولو د وزارت سرپرست مولوي حمدالله نعماني، د کرنې او اوبو لګولو د وزارت سرپرست مولوي عطاء الله عمري، د چارو د ادارې لوی رئیس شیخ الحدیث مولوي نورالحق انور، د سترې محکمې استازي شیخ عبدالصمد حقاني او د امارت د قضایاو لوی رئیس او د دغه کمېسیون سکرتر مولوي احسان الله وثیق او د یاد کمېسیون نورو غړو د عدليې له وزیر سره ملتیا وکړه.

د یاد کمېسیون مشرتابه د بغلان ولایت له والي الحاج مولوي عبدالرحمن حقاني او له نورو ملکي او نظامي مقاماتو او سیمه ییزو مسؤلینو او د دغه ولایت یو شمېر خلکو او اوسیدونکو سره ناسته جوړه کړه او د ځمکو د غصب د مخنیوي او د غصب شویو امارتي ځمکو د استرداد په تړاو په کې خبرې وشوې.

په یاده ناسته کې، دغه هیئت د ځمکو د غصب د مخنیوي په برخه کې د یاد ولایت د مشرتابه فعالیتونه او کړنې وستایلې او د ځمکو د غصب د مخنیوي مقررې او یو شمېر نورو مهمو ټکو په اړه یې توضیحات ورکړل.

په دغې ناسته کې د عدلیې وزارت سرپرست، یاد ولایت ته د دغه کمېسیون د مشرتابه پلاوي د سفر موخې د بغلان ولایت د ځمکو د غصب د مخنیوي د تخنیکي هیئت د فعالیتونو بررسي او ارزول او د امارتي ځمکو تشخیص او تثبیت یاد کړل.

د بغلان والي په یاده ناسته کې وویل چې په دغه ولایت کې د ځمکو د غصب د مخنیوي تخنیکي هیئت خورا زیاتې هڅې کړي او ډېرې قضیې د یاد ولایت د مقام په همغږۍ یې تعقیب او حل کړي دي. نوموړي له دغه کمېسیون سره د ولایت د مقام د لا زیاتو همکاریو ډاډ ورکړ.

په دغې ناسته کې د یاد کمېسیون نورو غړو هم د امارتي ځمکو د غصب د مخنیوي په اړه خبرې وکړې ویې ویل چې د د ځمکو د غصب مخنیوی او د غصب شویو امارتي ځمکو استرداد د اسلامي امارت له لومړیتوبونو څخه دي او اسلامي امارت مصمم دی چې غصب شوې ځمکې بېرته له زورواکو څخه واخلي. هغوی په یاد ولایت کې د ځمکو د غصب د مخنیوي له تخنیکي هیئت سره د سیمه ییزو ادارو په همکارۍ ټینګار وکړ.

په یاه ناسته کې د بغلان ولایت مقاماتو او سیمه ییزو مسؤلینو هم د دغه ولایت له تخنیکي هیئت او د ځمکو د غصب د مخنیوي له کمېسیون سره د بشپړې همکارۍ ډاډ ورکړ.

د ځمکو د غصب د مخنیوي کمېسیون مشرتابه پلاوي په یاد ولایت کې د ځمکو د غصب اړوند ځینې دوسیې او د یو شمېر اوسیدونکو عریضې هم بررسي کړې او د یاد ولایت تخنیکي هیئت ته یې لازمې لارښوونې وکړې.

تازه خبرونه

شنبه ۱۴۰۳/۴/۳۰ - ۱۵:۲۳
Background image

په پروان ولایت کې ۶۸ جریبه ځمکه امارتي تثبیت شوه

د پروان ولایت د ځمکو د غصب د مخنيوي تخنيکي هيئت، د محرم الحرام د مياشتې په ۱۱ مه نېټه د چهار شنبې په ورځ د غصب شويو ځمکو د بررسۍ په موخه د یاد ولایت د غوربند سياه ګرد ولسوالۍ ته سفر وکړ. . .

پنجشنبه ۱۴۰۳/۴/۲۸ - ۱۲:۱۶
Background image

د عدلیې وزارت د تشو بستونو د رقابتي ازموینې له بهیر څخه د یاد وزارت د اداري معین څارنه

د اسلامي امارت د عدلیې وزارت د محرم الحرام د مياشتې په ۱۲ مه نېټه د پنجشنبې په ورځ د یاد وزارت د انسجام عمومي ریاست د څلورو تشو بستونو ازموینه د آزادې سیالۍ له لارې واخیسته.

په دې. . .

پنجشنبه ۱۴۰۳/۴/۲۸ - ۱۲:۲
Background image

د جوزجان ولایت د عدلیې ریاست د اداري ناستې جوړېدل

د جوزجان ولایت د عدلیې ریاست اداري ناسته، محرم الحرام د مياشتې په ۱۰ مه نېټه د سه شنبې په ورځ د عدلیې رئیس مولوي امرالله مصلح په مشرۍ او د یاد ریاست د آمرینو او کارمندانو په ګډون جوړه. . .

BACK TO NEWS