د عدلیې وزارت د مدافع وکیلانو رئیس د پکتیا او خوست ولایتونو له یو شمېر مسؤولينو سره وکتل
د عدلیې وزارت د مدافع وکیلانو رئیس، محترم مولوي جان محمد «محمد طلحه» د یو پلاوي په مشرۍ پکتيا او خوست ولایتونو ته سفر وکړ او د یادو ولایتونو له یو شمېر مسؤولينو سره یې د همغږۍ جلا جلا ناستې ترسره کړې.
په دغو ناستو کې، چې د یادو ولایتونو د عدلیې ریاست مسؤولینو هم ګډون درلود، د عدلیې وزارت د مدافع وکیلانو رئیس په دغو ولایتونو کې د مدافع وکیلانو یو شمېر ستونزې شریکې کړې او ټینګار یې وکړ هغو کسانو ته د وثیقې او وکالت اجازه ورنهکړل شي چې د دفاع وکالت قانوني جواز نهلري.
همدارنګه نوموړي په خپلو خبرو کې د استیناف محکمو د رياستونو لخوا مدافع وکیلانو لپاره د مسلکي زدهکړو د برنامو پر جوړولو هم ټینګار وکړ او د مدافع وکیلانو د مسلکي ظرفیتونو د پیاوړتیا لپاره یې اړتیا وبلله.
له بلې خوا، د پکتیا او خوست ولایتونو مقاماتو او سیمهییزو مسؤولینو هم ډاډ ورکړ چې د مدافع وکیلانو ستونزو ته به رسیدګي وکړي او د عدلیې له ریاستونو سره به هم همغږۍ زياتې کړي.
