نشست هماهنگی میان ریاست عدلیه و وکلای مدافع ولایت پروان برگزار شد
د پروان ولایت د عدلیې ریاست او د یاد ولایت د مدافع وکیلانو ترمنځ د همغږۍ ناسته د محرم الحرام د مياشتې په ۴ مه نېټه د چهارشنبې په ورځ د پروان ولایت د عدلیې رئیس مولوي حیات الله امين په مشرۍ او د یاد رياست د حقوقي مرستو آمر او د یاد ولایت د یو شمېر مدافع وکیلانو په ګډون سره د عدلیې ریاست په مقر کې جوړه شوه.
په دغې ناسته کې د پروان ولایت عدلیې رئیس د یاد ریاست د مدافع وکیلانو د آمریت د فعالیتونو په اړه معلومات وړاندې کړل. همداراز په دې ناسته کې د یاد رياست د حقوقي مرستو آمر له لورې د مدافع وکیلانو د انسجام کړنلارې مطابق هغوی ته لازمې توصیې او لارښوونې وشوې.
د پروان ولایت مدافع وکیلانو هم په دې ناسته کې خپلې ستونزې او وړاندیزونه مطرح کړل چې د عدلیې رئیس په دې برخه کې د حل ډاډ ورکړ.
