په کندز ولایت کې د ۱۳۶۰ جریبه امارتي ځمکې استرداد
د کندز ولایت د ځمکو د غصب د مخنیوي تخنیکي هیئت ناسته د روژې د مياشتې په ۱۵ مه نېټه د دوشنبې په ورځ د دغه هیئت د رئیس او غړو په ګډون سره جوړه شوه او په ترڅ کې یې یاد هیئت ۱۳۶۰ جریبه امارتي ځمکه استرداد کړه.
دغه استرداد شوې ځمکه د مرکز په عسقلان ساحه کې موقعیت لري چې څه موده وړاندی د هیئت لخوا امارتي تثبیت شوې وه.
همدارنګه په دغه ناسته کې د دشت ارچي ولسوالۍ کې د سيد زينو آغا د مهاجرينو ښارګوټی او د امام صاحب ولسوالۍ سيد احمد شاه آغا د مهاجرينو ښارګوټي اړوند د ۱۰ زره جریبه ځمکې دوسیې او یو شمېر نورې دوسیې هم تر بحث او بررسۍ لاندې ونيول شوې.
