کندز کې د ۲ زره او ۸۶۰ جریبه امارتي ځمکې استرداد
د کندز ولايت د ځمکو د غصب د مخنيوي تخنيکي هئيت د روژې د مياشتې په ۸ مه نېټه د دوشنبې په ورځ د یاد هئيت رئيس او غړو په ګډون د یاد ولایت ګلتپې ولسوالۍ ته سفر وکړ او د یادې ولسوالۍ په توبره کش او عسقلان ساحو کې یې ۲ زره او ۸۶۰ جریبه امارتي ځمکه استرداد کړه.
د استرداد شویو ځمکو له جملې څخه د ګلتپې ولسوالۍ په توبره کش ساحه کې ۲ زره او ۵۰۰ جریبه امارتي ځمکه او په عسقلان ساحه کې ۳۶۰ جربیه امارتي ځمکه موقعیت لري.
همداراز ياد هئيت لارښوونه وکړه چې یادې شوې ځمکې د ځمکو په بانک کې ثبت او له پړاوونو تېرولو څخه وروسته د سيمو اوسېدونکو ته په اجاره ورکړل شي.
