د عدلیي وزارت د رهبرۍ شورا د ناستې جوړیدل
د اسلامي امارت د عدلیې وزارت د مشرتابه شورا ناسته د جمادي الاول میاشتې په ۲۹ نېټې د چهارشنبې په ورځ د عدليې وزارت د مسلکي معین شیخ الحدیث مولوي عبدالکریم حیدر په مشرۍ او د یاد وزارت د مرکزي رئیسانو او نورو مسؤلینو په ګډون جوړه شوه.
په دغې ناسته کې د عدلیې وزارت د مرکزي ریاستونو د کړنلارو په اړه بحث او د نظرونو تبادله ترسره شوه چې په پایله کې د یاد وزارت د بهرنیو اړیکو ریاست کړنلاره تایید او تصویب شوه.
د غونډې غړو د حقوقي مساعدتونو ریاست د کړنلارې په اړه هم بحث وکړ او پریکړه یې وکړه چې په دې کړنلاره کې یو لړ اصلاحي زیاتوالی راوړل شي او د رهبري شورا په راتلونکې غونډې کې وړاندې شي.
