د میدان وردک ولایت دایمیرداد ولسوالۍ ته د دغه ولایت د ځمکو د غصب د مخنیوي د تخنیکي هیئت سفر
د میدان وردک ولایت د ځمکو د غصب د مخنیوي تخنیکي هیئت په تېرې اوونۍ کې د قطب دښتې بررسۍ په منظور د دغه ولایت دایمیرداد ولسوالۍ ته ولاړ او یاده دښته يې بررسي کړه.
یاد شوي هیئت له سیمه ییزو مسؤلینو سره وکتل او ورپسې قطب دښتې ته ولاړ او د هغې موقعیت، مساحت، حدود او کروکي يې مشخصې کړې.
یاده دښته کې ۵۰۵۹۱.۱۱ جریبه ځمکه شامله ده، چې په ټوله کې لاسه نه خوړل شوې او شاړه ده او یوازې په ځینو برخو کې للمي کښتونه شوي دي.
دغه هیئت په ساحه کې هر ډول مالکانه تصرف منع کړ او له سیمه ییزو مسؤلینو څخه یې وغوښتل که څوک په یادې ځمکه د مالکیت ادعا لري، نوموړی د هيئت سکرتریت ته راجع کړي.
