د سمنګان ولایت په عدليې ریاست کې د دوو تشو بستونو آزموینه جوړه شوه
د سمنګان ولایت په عدليې ریاست کې د دوو تشو بستونو آزموینه د رجب المرجب میاشت په ۲۰ نېټه د شنبې په ورځ د سمنګان ولایت د عدليې رییس الحاج قاري فراح الدین محمدي، ددغه ولایت د بشري سرچینو آمر مولوي جان محمد او ددغه ولایت د عدليې ریاست د مالي او اداري مدیر عتیق الله بریالي په حضور سره جوړه شوه.
په دغې آزموینه کې په شرایطو برابر ۹ تنو نوماندانو ونډه اخیسته وه او د تخنیکي هیئت د سکرتریت (۴) رتبه بست او د تخنیکي هیئت د اداري مدیریت (۵) رتبه بست له پاره يې په خپلو کې رقابت وکړ.
دغه آزموینه د تحریري او تقریري په صورت جوړه شوه او پکې دو تنه د لوړو نمرو په اخیستلو سره د کامیابۍ نمرو په ترلاسه کولو بریالي شوو او د هغوی د منظورۍ وړاندیز هم ترتیب شو.
