حدود ۱۵ جریب زمین امارتی در ولایت قندوز تثبیت شد
هیأت تخنیکی جلوگیری از غصب زمین ولایت قندوز در نشستی که روز دوشنبه، ۲۵ جمادی الثانی برگزار کرد، با بررسی دوسیه‌های مربوط به غصب زمین، ۱۵ جریب زمین امارتی را در مرکز این ولایت تثبیت و تشخیص کرد.
زمین مذکور شامل دوسیه ۲۷ جریب زمین ساحه کیله چی مرکز این ولایت می‌شود که ۱۵ جریب تثبیت شده آن دریاخانه و امارتی می‌باشد. هیأت در قسمت متباقی زمین ساحه مذکور هدایات لازم صادر کرد.
در نشست مذکور دوسیه‌های حدود ۱۹۱ جریب زمین دیگر در نقاط مختلف این ولایت نیز بررسی شده ودر زمینه هدایات لازم سپرده شد.
