په کندز ولایت کې د يو شمېر عريضه ليکونکو له فعاليتونو څخه نظارت ترسره شو
د کندز ولایت د عدلیې رياست نظارتي پلاوي، د جمادیالثانی د مياشتې په ۱۶مه نېټه د یکشنبې په ورځ د کندز ښار په بېلابېلو ساحو کې له یو شمېر عريضه ليکونکو څخه نظارت ترسره کړ او د هغوی فعاليتونه یې بررسي کړل.
د دغه نظارت په ترڅ کې د عريضه ليکونکو په فعاليتونو کې یو شمېر ستونزې او نيمګړتياوې مشخصې شوې چې د نظارتي پلاوي لخوا د یادو نيمګړتياوو د لرې کولو په موخه لازمي توصیې وشوې.
د کندز ولایت د عدلیې رياست په دوامداره توګه په یاد ولایت کې له اړوندو برخو څخه نظارت ترسره کوي ترڅو له غير قانوني فعالیتونو څخه مخنيوی وشي.
