د بادغیس ولایت د عدلیې رئيس د بالامرغاب ولسوالۍ له مسؤولينو سره وکتل
د بادغیس ولايت د عدلیې رئيس مولوي عبدالرازق مرزوقي او له هغه سره مل پلاوي د ربیعالاخر د مياشتې په ۲۱مه نېټه د دوشنبې په ورځ د یاد ولایت بالامرغاب ولسوالۍ ته سفر وکړ او د یادې ولسوالۍ له ولسوال او یو شمېر سیمه ییزو مسؤولينو سره یې وکتل.
د دغې ليدنې په ترڅ کې د عدلیې رئيس د یو شمېر موضوعاتو په اړه خبرې وکړې او د امارت د قضایاوو له مديریت سره یې د یادې ولسوالۍ د مسؤولينو د همکارۍ غوښتنه وکړه او په دې برخه کې یې پر لا زیاتې همغږۍ ټينګار وکړ.
د بادغیس ولایت د عدلیې رياست د ښې همغږۍ، د موجودو ستونزو د لرې کولو او د کاري خنډونو لهمنځه وړلو په موخه د یاد ولایت د نورو ولسوالیو له مسؤولینو سره هم د همغږۍ ناستې جوړوي.
