په سمنګان ولایت کې د څه باندې ۱۲۰۰ جریبه ځمکې بررسي کېدل
د سمنګان ولایت د ځمکو له غصب څخه د مخنیوي تخنیکي هیئت ناسته د محرمالحرام د مياشتې په ۷ مه نېټه د پنجشنبې په ورځ، د یاد هیئت رئیس او غړو په ګډون جوړه شوه.
په دې ناسته کې د سمنګان ولایت په مرکز ايبک ښار کې د نهه سوه دري پنځوس (۹۵۳) جریبه ځمکې او د دې ولایت په روی دواب ولسوالۍ کې د څه باندې درې سوه دوه ویشت (۳۲۲) جریبه ځمکې د موضوعاتو په اړه بحث او خبرې وشوې او په ترڅ کې یې پرېکړه وشوه چې د یادو ځمکو په اړه دې املاکي څېړنې ترسره شي.
همدرانګه په دې ناسته کې د سمنګان ولايت په بېلابېلو ساحو کې د ځمکو د غصب اړوند يو شمېر نورې دوسيې هم تر بحث او بررسۍ لاندې ونيول شوې او په اړه یې لازم تصاميم ونيول شول.
