په ننګرهار ولایت کې د معاملاتو لارښوونې د ۱۰ دفترونو څخه نظارت ترسره شو
د ننګرهار ولایت د عدلیې ریاست نظارتي پلاوي د ذوالقعدې د میاشتې په ۱۵ مه نېټه، د سه شنبې په ورځ د دغه ولایت د خوګیاڼۍ ولسوالۍ په کچه د معاملاتو لارښوونې له ۱۰ دفترونو څخه نظارت وکړ او د هغو فعالیتونه یې بررسي کړل.
د دغه نظارت په ترڅ کې د یادو دفترونو د فعالیت جوازونه، د ثبت کتابونه، رسمي سټې او یو شمېر نور اړين اسناد وکتل شول.
د یاد نظارت او بررسۍ په پایله کې د معاملاتو لارښوونې د دفترونو ځینې ستونزې مشخصې شوې او د حل په موخه یې د هغو متصدیانو ته لازمې توصيې وړاندې شوې.
د عدلیې وزارت په مرکز او ولایتونو کې له اړوندو ادارو څخه په دوامداره توګه نظارت کوي، څو د غیرقانوني فعالیتونو مخه ونیول شي او د قانون حاکمیت تأمین شي.
