په سمنګان ولایت کې د څه باندې ۶۸۸ جریبه امارتي ځمکې تشخيص
د سمنګان ولایت د ځمکو له غصب څخه د مخنیوي تخنیکي هیئت ناسته، د شوال د مياشتې په ۱۱ مه نېټه د چهارشنبې په ورځ، د دغه هيئت د رئيس او غړو په ګډون جوړه شوه.
د تخنيکي هيئت په دې ناسته کې د یاد ولایت د حضرت سلطان ولسوالۍ اړوند په نعمان کلي کې د شپږه سوه اته اتیا (۶۸۸) جریبه ځمکې دوسیې په اړه بحث وشو او ترڅ کې یې یاده ځمکه امارتي تثبيت شوه.
هيئت پرېکړه وکړه چې د یادې ځمکې دوسیه دې د وروستۍ پرېکړې په موخه مرکزي کمیسيون ته واستول شي.
همدارنګه په ياده ناسته کې د سمنګان ولایت په نورو ساحو کې د غصب شويو ځمکو اړوند یو شمېر دوسیې بررسي شوې او په اړه یې لازم تصاميم ونيول شول.
