په بادغیس ولایت کې نږدې ۲۳ جریبه امارتي ځمکه استرداد شوه
د بادغیس ولایت د ځمکو له غصب څخه د مخنیوي تخنیکي هیئت ناسته د ربیعالثاني د میاشتې په ۱۸مه نېټه د دوشنبې په ورځ د یاد هیئت د رئیس او غړو په ګډون ترسره شوه
په دې ناسته کې بالامرغاب ولسوالۍ ته د استول شوي هیئت راپور وړاندې شو چې پر بنسټ یې، یاد شوي هیئت په دې ولسوالۍ کې دوهویشت اعشاریه اته (۲۲.۸) جریبه ځمکه چې امارتي تثبیت شوې وه، استرداد کړې ده.
یاده ځمکه د بادغیس ولایت د کرنې ریاست د مالدارۍ فارم وو.
په یاده ناسته کې د قادس او بالامرغاب ولسوالیو د ځمکو د غصب اړوند یو شمېر نورې دوسیې هم بررسي شوې او په هکله یې لازم تصامیم ونیول شول.
