د کابل ښار په څلورمې او لسمې ناحیو کې له ۲۱ دارالوکالو څخه نظارت ترسره شو
د اسلامي امارت د عدلیې وزارت د مدافع وکیلانو ریاست نظارتي پلاوي د کابل ښار په څلورمې او لسمې ناحیو کې د یو شمېر دارالوکالو فعالیتونه نظارت او بررسي کړل.
دغه نظارت او بررسي د صفرالمظفر د میاشتې په (۲۹ او ۳۰ مه نېټه) د دوشنبې او سهشنبې په ورځو ترسره شوه او په ترڅ کې یې ۲۱ دارالوکالې د پلاوي لهخوا نظارت شوې.
یاد پلاوې په دغو دارالوکالو کې یو لړ نیمګړتیاوې مشخصې کړې او د هغو د لرې کولو په موخه یې متصدیانو ته لازمې توصیې وکړې.
دغه راز پلاوي د یادو ناحیو د مدافع وکیلانو ستونزې او مستندې ننګونې واروېدې او د هغو د حل په برخه کې هغوی ته ډاډ ورکړ.
