په ننګرهار ولایت کې د معاملاتو لارښوونې د دفترونو متصديانو لپاره زده کړه ییزه برنامه جوړ شو
د ننګرهار ولایت د عدلیې رياست د انسجام آمریت د محرم الحرام د مياشتې په ۲۱ مه نېټه د شنبې په ورځ د یاد ولایت د مرکز جلال اباد ښار د لومړۍ ناحیې اړوند د معاملاتو لارښوونې د دفترونو یو شمېر متصديانو لپاره د چارو د ښه والي، په قانوني ډول د فعاليتونو ترسره کول او د مالیاتو ورکولو او د نورو ورته موضوعاتو پوهاوي په موخه زده کړه ییزه برنامه جوړه کړه.
په یاده زده کړه ییزه برنامه کې ګډونوالو ته د معاملاتو لارښووني دفترونو د مسؤوليتونو او دندو په اړه هر اړخيز معلوماتو وړاندې شول او په سمه توګه له كتابونو او سټو څخه د ګټې اخیستنې لارې چارې وروښودل شوې.
همدارنګه په دې زده کړه ییزه برنامه کې د ننگرهار ولایت د مستوفیت مسؤولینو هم ګډون کړی وو چې، د مالياتو تادیې په اړه یې لارښوونې وکړې او په دې برخه کې یې له کتمان څخه د ځان ساتنې په اړه لازمې توصیې وکړې.
د یادې برنامې په پای کې د ګډونوالو پوښتنې او ستونزې په دقت سره واوریدل شوې او د هغو د حل په برخه کې ډاډ ورکړل شو.
د یادونې وړ ده چې د ننګرهار ولایت د عدلیې رياست په پام کې لري، په یاد ولایت کې د موجودو معاملاتو لارښوونې ټولو دفترونو متصدیانو ته د چارو د ښه والي، په قانوني ډول د فعاليتونو ترسره کول او د مالیاتو تادیه کولو په موخه ورته روزنيزې برنامې جوړې کړي.
