په ننګرهار ولایت کې د یو شمېر عريضه ليکونکو له فعالیت څخه نظارت ترسره شو
د ننګرهار ولایت د عدليې ریاست نظارتي پلاوي د ذوالقعدې د مياشتې په ۱۰مه نېټه د دوشنبې په ورځ، د دغه ولایت په مرکز، جلال آباد ښار کې د ۱۳ تنو عريضه ليکونکو له فعالیتونو څخه نظارت ترسره کړ.
مؤظف نظارتي پلاوي د یادو عريضه ليکونکو د فعالیت جوازونه او یو شمېر نور اړين اسناد بررسي کړل.
د یاد نظارت پر مهال نظارتي پلاوي عریضه لیکونکو ته توصیه وکړه، چې عریضې دې په شفاف، سم او اصولي ډول ولیکي ترڅو د مراجعينو له سرګردانۍ او ستونزو څخه مخنیوی وشي او هم ستونزې یې ژر حل شي.
د عدلیې وزارت په مرکز او د عدلیې ریاستونه په ولایتونو کې په دوامداره توګه له اړوندو برخو څخه نظارت ترسره کوي تر څو د غیر قانوني فعالیتونو مخه ونیول شي.
