په جوزجان ولایت کې د معاملاتو لارښوونو دفترونو د نظارت او کنترول هيئت رامنځته شو
د جوزجان ولایت، عدلیې رياست د معاملاتو لارښوونو او د موټر سایکل، ریکشا، زرنج او ورته نورو وسایطو د معاملات وساطت کوونکو په فعالیتونو کې د ښې روڼتيا تامین او همدارنګه د غير قانوني فعاليت مخنيوي په موخه په یاد ولایت کې د نظارت او کنترول هيئت رامنځته کړ.
د یاد هيئت په ترکیب کې د ولایت د مقام، د استخباراتو رياست، امنیه قوماندانۍ او د یاد ولایت د عدلیې رياست غړیتوب لري او یادې کمېټې د لومړي ځل لپاره د محرم الحرام د مياشتې په ۱۱ او ۱۲ مه نېټه د چهار شنبې او پنجشنبې په ورځو کې د موټرسایکل او ریکشا له یو شمېر پلورنځیو څخه نظارت ترسره کړ.
د یاد نظارت په ترڅ کې د وسایطو معاملاتو یو شمېر وساطت کوونکو ته د جواز نوي کېدو توصیه وړاندې شوه او همدارنګه د موټرسایکل او ريکشا پلورنځيو دوه لوی سرایونه د غير قانوني فعالیت له امله وتړل شول.
د عدلیې وزارت په مرکز او د عدلیې ریاستونه په ولایتونو کی په دوامداره توګه د معاملاتو لارښوونو له دفترونو او د وسایطو د معاملاتو وساطت کوونکو څخه نظارت ترسره کوي تر څو د غير قانوني فعالیتونو مخنيوی وشي.
