د زابل ولایت د عدلیې ریاست اداري ناسته جوړیدل
د زابل ولایت د عدلیې ریاست اداري ناسته د شعبان د میاشتې په ۷ نېټه د شنبې په ورځ د عدلیې رئیس مولوي عبدالوارث خلیل په مشرۍ او د یاد ریاست د آمرینو او کارمندانو په ګډون جوړه شوه.
په یاده ناسته کې، د زابل د عدلیې رئیس حاضرۍ ته د کارمندانو په پابندۍ، له اوامرو اطاعت، په وخت د چارو ترسره کولو او له بیت المال څخه د لګښتونو په سپما ټینګار وکړ او کارمندانو ته یې لازمې توصیې وکړې.
له بلې خوا د یاد ریاست د بېلابېلو برخو آمرینو او کارمندانو هم خپلې ستونزې او د کاري چارو ښه والي په موخه وړاندیزونه مطرح کړل او په دې برخه کې د عدلیې رئیس لازمې لارښوونې وکړې.
