په کابل ښار کې دوې دارالوکالې وتړل شوې
د افغانستان اسلامي امارت د مدافع وکیلانو د ریاست نظارتي پلاوي په کابل ښار کې د یو شمېر دارالوکالو په بررسۍ سره، دوې دارالوکالې وتړلې.
یاده بررسي تېره اوونۍ د کابل ښار په دریمې او څلورمې ناحیو کې ترسره شوې او په ترڅ کې یې هیئت له ۱۵ دارالوکالو لیدنه وکړه چې له هغو څخه د مدافع وکیلانو د کړنلارې مطابق د خپلو کاري دفترونو د نه تنظیمولو په دلیل دوې دارالوکالې وتړل شوې او متصدیان یې د عدلیې وزارت ته وغوښتل شوو.
د عدلیې وزارت په دوامداره توګه د دارالوکالو له فعالیت څخه نظارت کوي ترڅو د غیرقانوني فعالیتونو او سرغړونو مخنیوی وشي.
