پنجشیر ولایت کې څه باندې ۱۰ جریبه ځمکه وقفي تثبیت شوه
د پنجشیر ولایت د ځمکو د غصب د مخنیوي تخنیکي هیئت د یاد ولایت په آبشار ولسوالۍ کې کابو۱۰.۶۸ جریب ځمکه وقفي تثبیت کړه.
یاد هیئت د رجب المرجب د میاشتې په ۳۰ نېټه د یکشنبې په ورځ د پنجشیر آبشار ولسوالۍ ته سفر وکړ. هیئت د یادې ولسوالۍ د بېلابېلو کلیو له اوسیدونکو سره وکتل او خبرې ورسره وکړې او هغوی ته یې د ځمکو د غصب د مخنیوي کمېسیون په اړه معلومات وړاندې کړل.
ورپسې تخنیکي هیئت ساحې بررسي کړه او ۱۰.۶۸ جریبه ځمکه یې د آبشار ولسوالۍ په دوست علي خیل کلي کې وقفي تثبیت کړه.
