د ګردیز ښار په دوه یمې امنیتي حوزه کې د حقوقي پوهاوي ورکولو برنامه جوړول
د پکتیا ولایت د عدلیې ریاست د رجب المرجب د میاشتې په ۴ نېټه د سه شنبې په ورځ د یاد ولایت په مرکز، ګردیز ښار کې د دوه یمې امنیتي حوزې مسؤولینو لپاره د یوې برنامې په ترڅ کې حقوقي پوهاوی وړاندې کړ.
په دې برنامه کې د یادې حوزې ۵۰ تنو مسؤولینو ګډون درلود او په هغې کې د عدلیې ریاست د حقوقي مرستو آمر او د دغه آمریت نورو مسؤولینو د امیرالمومنین حفظه الله د حقوقي او جزايي فرمانونو او د حقوقي عریضو د وړاندې کولو مرجع په اړه معلومات وړاندې کړل.
د ګردیز ښار د دوه یمې امنیتي حوزې مسؤولینو یاده برنامه ګټوره وبلله او په راتلونکي کې هم د دغه راز برنامو د جوړیدو غوښتنه وکړه.
