په ارزګان ولایت کې د ۳۸۷۵ جریبه امارتي ځمکې تفکیک او خط اچول
د ارزګان ولایت د ځمکو د غصب د مخنیوي د تخنیکي هیئت ناسته د جمادي الاول میاشتې په ۲۵ نېټې د شنبې په ورځ د دغه هیئت د رئیس او غړو په حضور سره جوړه شوه او په هغې کې د مهمو موضوعاتو د بحث سربېره، د هیئت د ساحوي فعالیت راپور وړاندې شو.
د یاد راپور پر بنسټ تخنیکي هیئت په تېرې اوونۍ کې د یاد ولایت د خیرآباد کاریز له ساحې کتنه کړې او په دغې ساحه کې ۳ زرو ۸۷۵ جریبه امارتي ځمکه خط اچولی او له شخصي ځمکو څخه یې جلا کړې ده.
یاده شوې ځمکه له دې وړاندې د محکمې لهخوا امارتي اعلام شوې او پر هغې باندې اوسمهال د اشخاصو او افرادو لهخوا تاسیسات ودان شوي چې دوسیه به یې د وروستي تصمیم نیولو په موخه مرکزي کمېسیون ته واستول شي.
تخنیکي هیئت په دغې ناسته کې د کرنا ساحې د غصب شوې امارتي ځمکې او د ترینکوت ښار د شهیدانو دښتې په ساحه کې د ۳۰ جریبه غصب شوې امارتي ځمکې په اړه بحث وکړ او یو ټیم یې د یادو ساحو د بررسۍ لپاره توظیف کړ.
