په لغمان ولایت کې څه باندې د ۴۲ جریبه امارتي ځمکې تثبیت او تشخیص
د لغمان ولایت د ځمکو د غصب د مخنیوي د تخنیکي هیئت ناسته د جمادي الاول د میاشتې په ۱۲ نېټې د یکشنبې په ورځ د دغه هیئت د رئیس او غړو په حضور سره جوړه شوه او د ځمکو د غصب اړوند یو شمېر دوسیې په کې بحث او بررسۍ لاندې ونیول شوې.
په دغې ناسته کې د قرغيو ولسوالۍ د څو تنو اوسیدونکو له خوا د ۲ جریبو ۱۲ بسوې ځمکې د غصب په اړه د یادې ولسوالۍ د څو تنو اوسیدونکو عریضه بحث او بررسۍ لاندې ونیول شوه او امارتي تثبیت شوه او په هغې کې له نویو تصرفاتو او ودانیزو چارو څخه مخینوی وشو او د هغې له متصرفینو څخه د ملکیت سندونه وغوښتل شول.
دغه راز یاد هیئت د دغه ولایت د مرکز په ده زیارت کلي کې د اطلاعاتو او فرهنګ ریاست اړوند د لرغونې تپې ۴۰ جریبه ځمکې ساحه تثبیت او تشخیص کړه او د دغې ساحې د ځینو برخو له متصرفینو څخه یې سندونه او شرعي مدارک وغوښتل.
