د میدان وردک ولایت د عدلیې ریاست د اداري ناستې جوړیدل
د میدان وردک ولایت د عدلیې ریاست اداري ناسته د ربیع الثاني د میاشتې په ۱۰ نېټې د چهارشنبې په ورځ د میدان وردک ولایت د عدلیې رئیس مولوي مطیع الحق عثمان په مشرۍ او د یاد ریاست د آمرینو او کارمندانو په ګډون جوړه شوه.
په دغې ناسته کې چې د لازیاتې همغږۍ او د چارو د ښه کیدو لپاره جوړه شوې وه، د میدان وردک ولایت د عدلیې رئیس د موضوع په تړاو خبرې وکړې او د هر شخص دنیوي او اخروي مسؤلیتونه یې یاد کړل.
دغه راز نوموړي د یاد ریاست کارمندانو ته د هغوی اړوند مسؤلیتونو د ترسره کولو، حاضرۍ ته د پابندۍ، د آمر له امرونو څخه د اطاعت، له نورو ادارو سره د غوره او د همغږۍ اړیکو درلودلو، له مراجعینو سره د ښه چلند او د نورو مواردو په تړاو لازمې توصیې وکړی.
په دغې ناسته کې د یاد ریاست آمرینو او کارمندانو هم د خپلو لاسته راړونو راپور، کاري پلان، ستونزې او وړاندیزونه د کاري چارو د ښه کیدو په منظور مطرح کړل او د عدلیې رئیس ټینګار وکړ چې د موجودو ستونزو د لري کولو په موخه به هڅې وکړي.
