په میدان وردک ولایت کې څه باندې ۵۰ جریبه ځمکه بررسي شوه
د میدان وردک ولایت د ځمکو د غصب د مخنیوي تخنیکي هیئت د ۱۴۴۵ هجري قمري کال د محرم الحرام د میاشتې په ۲۱ نېټه د دوشنبې په ورځ د ۹۳۳ امارتي ټوټې د بررسۍ په منظور د یاد ولایت د نرخ ولسوالۍ د درانیو ساحې ته روان شو او یاده شوې ټوټه یې بررسي کړه.
دغه هیئت د یو شخص په تصرف کې ځمکه او د استوګنې کور چې ۱۰.۵۲ جریبه ځمکه کیږي او په ۹۳۳ قطعه کې شامله ده، بررسي کړه. په همدې توګه یاد شوي هیئت د یو بل شخص په تصرف کې یو سرای او ۵ هټۍ چې ټولټال ۱.۴۸۲۷۸ جریبه ځمکه کیږي او په دغې ټوټه کې شامله ده بررسي کړه او د هغې کروکي، مساحت او حدود یې معلوم کړل.
دغه راز یاد شوي هیئت د دوو نورو اشخاصو د مدعی بها ساحه چې له هغې څخه یوه ۱۶.۰۹ جریبه ځمکه او بله یوه یې ۲۲.۸۸ جریبه ځمکه ده بررسي کړه او د هغې کروکي، مساحت او حدود یې معلوم کړل. دغه ساحه هم په ۹۳۳ ټوټه کې شامله ده او اوس مهال سپینه ده.
