د بادغیس ولایت د ځمکو د غصب د مخنیوي د تخنیکي هیئت د ناستې جوړیدل
د بادغیس ولایت د ځمکو د غصب د مخنیوي د تخنیکي هیئت ناسته د ذوالحجې د میاشتې په ۲۲ نېټه د دوشنبې په ورځ د هیئت د رئیس او غړو په حضور سره جوړه شوه او د یو شمېر اشخاصو او افرادو عریضې، سندونه او مدارک په کې بررسي شول.
په دغې ناسته کې د دره بوم ولسوالۍ د لکه سرخ ساحې په تړاو د بیان زايي قومونو سندونه چې وړاندې د هیئت له خوا عامه مرعی تشخیص او تثبیت شوې وو، بررسي شول چې سندونو د نه ویل کیدلو له امله، د مثنی ترتیب په موخه محکمې ته راجع شول.
دغه راز د بالامرغاب په بازار کې د یو هوټل په تړاو د یو شخص پر وړاندې د بل شخص عریضه چې د مرافعه محکمې له لوري هیئت ته راجع شوې وه، بررسي شوه او پریکړه وشوه چې له ساحې څخه لیدنه وشي.
دهن باغک کې د استوګنې ۵ ودانیو موضوع چې ۳ جریبه او ۱۲ بسوې او ۱۱ بسواسې ځمکه په کې شامله ده چې د استیناف محکمه پرې د ملکیت ادعا لري هم بررسي شوه.
د استیناف محکمې د لیک پر اساس یاد یو تعمیر د ریاست الوزراء د حکم په اساس د امیرالمومنین حفظه الله او یا سترې محکمې له رسمي فرمان څخه پرته د مولوي نقیب الله په نوم یو شخص ته سپارل شوی دی چې تخنیکي هیئت یاد شخص وغوښت او له نوموړي څخه یې سندونه وغوښتل.
