بامیان ولایت کې ۲۰۰۰ جریبه ځمکه استرداد شوې ده
د بامیان ولایت د ځمکو د غصب د مخنیوي تخنیکي هیئت د دغه ولایت له والي سره د ذوالحجې د میاشتې په ۳ نېټه د چهارشنبې په ورځ وکتل او د خپلو لاسته راوړنو او فعالیتونو راپور یې له نوموړي سره شریک کړې.
یاد هیئت د بامیان والي ته راپور ورکړ چې د دغه ولایت په مرکز کې له ۱۰۰۰۰ جریبه تثبیت شوې ځمکې څخه د هغې ۲۰۰۰ جریبه له غاصبینو څخه استرداد شوې ده.
یاد هیئت د دغه ولایت د والي په ملتیا له نوین ښارګوټي څخه لیدنه وکړه او په دغه ښارګوټي کې له رغنیزو چارو څخه څارنه وکړه.
په دغې لیدنه کې د بامیان والي ټینګار وکړ چې ښارګوټي باید له قانون او کړنلارې سره سم جوړ شي او تخنیکي هیئت باید دغه ښارګوټي کې له رغنیزو چارو څخه څارنه وکړي او د امارتي املاکو له غصب څخه مخنیوي وکړي.
