د ننګرهار ولایت د ځمکو د غصب د مخنیوي د تخنیکي هیئت د ناستې جوړیدل
د ننګرهار ولایت د ځمکو د غصب د مخنیوي د تخنیکي هیئت ناسته د شوال میاشت په ۲۷ نېټه د چهارشنبې په ورځ د دغه هیئت د رئیس او غړو په حضور سره جوړه شوه.
یاد شوي هیئت د غوچکو ساحې د دوو تنو اوسیدونکو او د کانال د ریاست تر منځ د موضوع د حل له پاره ګډ پلاوی تعیین کړ ترڅو ساحه بررسي، او شخړه حل کړي.
یاد هیئت د کانال له ریاست سره د یو بل شخص موضوع هم بررسي کړه او پریکړه یې وکړه، له دې امله چې دوسیه په محکمه کې په جریان کې ده باید یاده محکمه دې موضوع حل کړي.
دغه راز تخنیکي هیئت د ولسوالیو پر مسوولینو ټینګار وکړ چې هیچا ته اجازه ور نه کړی چې امارتي ځمکې غصب کړي او یا يې د اجارې ورکوونې د کار خنډ وګرځي.
